Египетскиот уметник Ибрахим Белал создава неверојатни минијатурни дела на врвови од графитни моливи.
За да ги создаде своите скулптури, минијатурни копии од фараонски саркофази, погребни маски и други дела од египетската историја и митологија, 30-годишниот уметник користи графитни моливи, остар и прецизен скалпел, лупа, микроскоп и четки за фино чистење.
Медиумите откриваат дека оваа уметничка форма е специјалност на Белал и дека тој е најпознат по вакви дела.
Студиото на египетскиот уметник се наоѓа во градот Рашид, неговата желба е да се основа Музеј за минијатурни фигури, во кој ќе бидат вклучени делата на другите колеги, занаетчии, макетари…
Тоа ќе биде еден од првите музеи од ваков вид во регионот МЕНА во модерно време.
