Последниот четврток од месец октомври, времето во Македонија ќе биде сончево со мала до умерена облачност и со утринска магла по одделни котлини. Ќе дува слаб до умерен ветер од северозападен правец.
Утринската температура ќе се движи од 2 до 11, а дневната од 15 до 24 Целзиусови степени.
Во Скопје во утринските часови ќе има појава на магла, а преку денот ќе биде сончево со мала до умерена облачност. Ќе дува слаб северен ветер. Утринската температура ќе се спушти до 6, а дневната ќе достигне до 19 степени. Маврово 15, Охрид 17, Крива Паланка и Берово 18, Битола 19, Кавадарци 21, Дојран 24.
Во петок и сабота ќе има зголемена облачност со услови за локален дожд во северните и североисточните делови од земјава. Ќе дува умерен до засилен ветер од северен правец, особено вдолж Повардарието, а дневните температури ќе опаднат за неколку степени. Потоа во наредните денови времето ќе биде претежно стабилно со пониски утрински температури.
