Денес до 34 степени, од утре благ пад на дневните температури

Времето денеска ќе биде сончево и топло со мала локална облачност.

Ќе дува слаб до умерен, а во горниот тек на Повардарието повремено засилен ветер од северен правец. Минималната температура ќе биде во интервал од 8 до 17, а максималната ќе достигне од 28 до 34 степени, јавува УХМР.

Од утре повремено ќе се зголемува облачноста и благо ќе се намалува дневната температура.

Според УХМР во четврток и петок претежно попладне ќе има услови за краткотрајна локална нестабилност со пороен дожд и грмежи и засилен северен ветер.