Home Шоубизнис Атиџе моли за помош: Луѓе помогнете ми, се плашам за својот живот

Атиџе моли за помош: Луѓе помогнете ми, се плашам за својот живот

Ве молам помогнете ми некако, многу сум ислашена и вака веќе не можам да живеам, моли хероината на „Медена земја“, Атиџе Муратова, преку медиумите.

Полицијата не сака да ми помогне, ве молам помогнете ми некако. Многу сум уплашена и вака повеќе не можам да живеам, изјавила низ солзи Атиџе Муратова, во телефонскиот разговор за порталот ММС.

„Досега ми направил многу штета, но сега решив јавно да проговорам бидејќи ми е страв од него. Колку е постар толку е поневозможно да се комуницира со него. Ми го бутна ѕидот каде што ја чувам кравата, за да ми избега. Го прашав зошто го правиш ова. А тој скокна кон мене да ми вика, јас многу се исплашив. Еден ден ќе ме убие и никому ништо“, вели Атиџе која додава дека се јавила и во полицијата во Свети Николе.

„Ми рекоа во полицијата дојди тука, а како да одам. Се запрашале ли дали имам пари да отидам од Бекирлија до таму. И згора на тоа полицајката ми рече „вие сте Турци, како брат и сестра, ќе се смирите. Ако така ми вика, како јас да објаснам дека ми е страв од него, дека не е прв пат. Сум го пријавувала досега многу пати но, полицијата ќе дојде, ќе го опомене и толку. Не се живее веќе вака во страв. Апелирам за помош. Луѓе ми викаат, остави го не е со сите. Е, па ајде и јас да извадам документ дека не сум со сите и да ги малтретирам лугето. Од ден на ден се полош и полош“, вели Муратова.

Вчитај повеќе поврзани статии
Load More In Шоубизнис
Comments are closed.

Check Also

Двејн Џонсон го тресна Пет Мекафи врз маса по критиките за тимот на Мајами

Двејн Џонсон изведе еден од своите препознатливи кечерски зафати врз Пет Мекафи за време н…