Шанса да станеш YouTuber! Приклучи се! ↓↓↓
Познатата актерка Кели Престон, сопруга на актерот Џон Траволта, почина од рак на дојка на 58-годишна возраст.
„Со тешко срце, ве известувам дека мојата убава сопруга Кели ја изгуби двегодишната битка со рак на дојка. Таа храбро се бореше со љубовта и поддршката на многумина“, напиша Траволта на социјалните мрежи.
„Никогаш нема да ги заборавиме љубовта и животот на Кели. Ќе поминам извесно време со нашите деца кои ја загубија својата мајка, па простете ми ако не слушите нешто за нас некое време. Знајте дека ја чувствувам вашата љубов во седмиците и месеците пред нас додека се обидуваме да ги излечиме раните ” додаде актерот.
View this post on Instagram
Портпаролот на семејство изјави за магазинот „People“: „Во утринските часови на 12 јули 2020 година, обожаваната сопруга и мајка , Кели Престон почина по двегодишната битка со карциномот на дојка. Таа беше весела, убава душа полна со љубов која се грижеше за другите и оживуваше сè што допираше. Нејзиното семејство ја моли јавноста да ја разбере приватноста во овие моменти “.
Престон и Траволта биле во брак 29 години и имаа три деца, 20-годишната Ела, деветгодишниот Бенџамин и синот Џет, кој починал во 2009 година.
Престон беше роден на 13 октомври 1962 година во Хонолулу, Хаваи и се појави во повеќе од 60 филмови и серии. Меѓу најпознатите е Џери Магуиер од 1996 година.
Кога имала три години, нејзиниот биолошки татко се удавил, а нејзината мајка подоцна се омажила за Питер Палзис, кој ја посвоил Престон. Таа пораснала во Ирак и Австралија и студирала во Калифорнија.
Пред нејзиниот брак со Траволта, таа била во врска со Џорџ Клуни и се венчала со Чарли Шин, а свршувачката наводно била расипана кога ја застрелал во раката. Престон во интервјуто во 2011 година изјави дека Шин не ја застрелал.
Таа се запознала со Траволта во 1987 година, а тие стапиле во брак во 1991 година.
