Шанса да станеш YouTuber! Приклучи се! ↓↓↓
Со најновата одлука на Регулаторната комисија за енергетика, од ноќеска на полноќ на сила стапуваат нови, зголемени малопродажни цени на нафтените деривати кои ќе бидат покачени во прoсек за 1,53 % во однос на досегашните малопродажни цени, односно зголемување од 0,5 до 1 денар.
Од вечерва на полноќ малопродажните цени на бензинот Еуросупер БС-98 и на Екстра лесното масло за домаќинство (ЕЛ-1) се зголемуваат за 0,50 денар за литар и со тоа малопродажната цена на Еуросупер БС-98 ќе изнесува 63,50 ден/лит, додека малопродажната цена на Екстра лесното масло за домаќинство (ЕЛ-1) ќе изнесува 53,00 ден/лит.
Малопродажните цени на бензинот Еуросупер БС-95 и на Еуродизел (Д-Е V) се зголемуваат за 1,00 денар/литар и со тоа малопродажната цена на Еуросупер БС-95 ќе изнесува 61,50 ден/лит, додека малопродажната цена на Еуродизел (Д-Е V) ќе изнесува 53,50 ден/лит.
Малопродажната цена на мазутот М-1 НС се зголемува за 0,605 ден/кг и од вечерва на полноќ ќе изнесува 26,585 ден/кг.
