Шок во трговските центри после 2 месеци неработење – мувлосани чевли, ташни и друга стока

Откако, после два месеци, малезиските трговски центри повторно беа отворени, вработените во продавниците ги чекаше шокантна глетка при отворањето на продавниците и кината.

Поради фактот што вентилацијата и климатизерите во продавниците не работеле два месеци, уништени се кожни чевли, торби и многу други предмети и парчиња мебел.

Мувлата навлегла во стотици предмети во трговски центар во Малезија, а на својот фејсбук профил страшните фотографии ги објави еден Малезиец. На сликите е прикажана огромната штета предизвикана од исклучената вентилација.