Под присуство на голем број полициски сили пред нејзината куќа во скопската населба Козле, полицијата влезе со налог за апсење на специјалната јавна обвинителка Катица Јанева, пренесува НОВА ТВ.
По наредба на Обвинителството за организиран криминал и корупција, во тек е акција за приведување на специјалната јавна обвинителка Катица Јанева.
https://www.facebook.com/vecer.mk/videos/476471693132466/
Наскоро се очекува повеќе информации од Обвинителството за организиран криминал каде вчера Јанева беше на распит.
Од Јавното обвинителство на Република Северна Македонија за 14 часот најавија прес конференција во врска со предметот во јавноста познат како „Рекет“. На пресконференцијата ќе присуствуваат Јавниот обвинител на Република Северна Македонија Љубомир Јовески, првиот заменик на републичкиот јавен обвинител Лилјана Спасоска и Основниот јавен обвинител на Основното јавно обвинителство за гонење на организиран криминал и корупција Вилма Русковска.
