Шанса да станеш YouTuber! Приклучи се! ↓↓↓
Доаѓањето на Артуро Видал сигурно ги израдува навивачите на Барселона, но и зададе нови главоболки на администрацијата на клубот.
Со доаѓањето на Видал, Барселона го надмина дозволениот лимит од три играчи со пасоши надвор од европска унија – тоа се Видал, Малком, Артур и Кутињо.
Сега „клучот“ е во рацете на Кутињо. Имено, веќе неколку месеци трае процесот за добивање на државјанство од Португалија, бидејќи неговата сопруга е Португалка, па Бразилецот има право на пасош.
Каталонците не сакаат било кој од трите засилувања да „извисат“ за мечот од Суперкупот против Севиља, па се надеваат дека до тогаш ќе биде решен проблемот со Кутињо.
Јери Мина и Марлон Сантос се исто така дел од првиот тим кои немаат пасоши од Европска унија, но двајцата се на излезна врата од „Камп Ноу“.
