Home Актуелно Солзавец, шок бомби, повредени и приведени на синоќешните протести пред Собрание

Солзавец, шок бомби, повредени и приведени на синоќешните протести пред Собрание

Синоќа во Скопје, за време на протестот пред Собранието на Македонија поради потпишувањето на договорот помеѓу министрите за надворешни работи и премиерите на Македонија и Грција во Нивици, дојде до судири помеѓу полициските сили и демонстрантите.

Голема група граѓани пред Собранието се судрија со полицијата по што таа испука солзавец и шок бомби за да ја растера групата која ја растргна оградата и ги нападна полицајците. Полицијата во акцијата употреби и окопни транспортери.

Вечерва групата пред Собрание е растурена, но потоа помали групи демонстранти се судираа со полицајците низ улиците околу Собранието. Демонстрантите фрлаа пиротехнички материјал, факли, петарди, камења и шишиња.

Повредени се седуммина полицајци, а до сега  се приведени 25 лица, соопшти МВР вечерва.

Демонстрантите беа организрани преку социјалните мрежи, а како и во претходните вечери меѓу нив имаше членови на спортски навивачки групи.

На протестите беа присутни Јанко Бачев од Единствена Македонија поранешните пратеници Солза Грчева, Филип Петровски и Александар Пандов.

Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…