Home Актуелно Конечно вистински пролетен ден

Конечно вистински пролетен ден

Времето денеска ќе биде претежено сончево со максимална температура до 21 степени Целзиусови. Според податоците од УХРМ, до петок ќе се задржи претежно сончево време. Минималните температури денеска на повеќе места ќе се спуштат малку под нула, а потоа ќе бидат во постепен пораст.

Денеска најтопло ќе биде во Гевгелија со температура до 21 степен, потоа во Демир Капија со температура до 20 степени. Во Струмица и во Штип – 19 степени, во Скопје, Свети Николе 18 степени, во Тетово и Битола 17 степени, во Прилеп 16 степени, во Охрид, Крива Паланка 15 степени, и во Берово 13 степени.

В сабота ќе има зголемена облачност и од попладневните часови ќе има локални врнежи од дожд, проследени со ретки грмежи. Во ноќта кон недела и в недела претпладне врнежите ќе бидат поинтензивни и ќе се преместуваат кон исток. За време на викендот ќе дува засилен ветер, в сабота од јужен, а в недела од западен правец. До недела дневните температури ќе бидат во пораст, што ќе предизвика забрзано топење на снежната покривка на планините.
Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…