Менаџерот на Манчестер Јунајтед, Жозе Мурињо го убедил Герет Бејл да ја продолжи кариерата на „Олд Трафорд“, тврдат шпанските медиуми.
Почетните разговори за трансферот започнале уште минатото лето и Бејл дал согласнот за трансферот уште пред натпреварот во Суперкупот. Меѓутоа, во последен момент Велшанецот се премислил и решил да остане на „Сантиаго Бернабеу“.
Меѓутоа, Бејл неодамна имал разговор со Мурињо и категорично му потврдил дека ова лето сака да се пресели во Манчестер Јунајтед.
Во последните неколку недели шпанските медиуми упорно тврдат дека Бејл ќе си замине од Мадрид, а сега се тврди дека неговиот избор е Манчестер Јунајтед.
Наводно „кралевите“ нема да се противат и се спремни да го продадат Велшанецот, па веќе ја одредиле и неговата цена, која изнесува 87 милиони фунти.
Real Madrid are ready to sell Gareth Bale for £87.5m to help fund a summer spending spree. (Source: AS) pic.twitter.com/RlGmNr18SZ
— Transfer News Live (@DeadlineDayLive) March 28, 2018
