Од септември зголемување на минималната плата за 2.000 денари, најави министерот за финансии, Драган Тевдовски. Зголемувањето ќе ги опфати и вработени во текстилната и кожарската индустрија кои примаат плата помала од минималната.
Во првата година зголемувањето ќе се финансира од буџетската каса. За растот на минималната плата во првите шест месеци од буџетот ќе бидат одвоени по еден и пол милион евра месечно, а во втората половина од годината владата ќе субвенционира половина од зголемувањето.
После првата година исплаќањето на минималецот ќе биде обврска на компаниите. Овој предлог денеска им го изложи министерот на претставници од стопанските комори.
Стопанствениците велат дека зголемувањето од 16 отсто не е голем товар за бизнисот. Инаку 120 илјади вработени примаат плата под 12.000 денари, или 20 отсто од вкупниот број на вработени.
Учество во игри на среќа е дозволено за лица со 18+ години. Играј одговорно!