Обетки направени од еден син и еден розов дијамант продадени се во Женева за рекордни 57 милиони долари на аукција на куќата „Sotbi“.
Експерите утврдија дека двата дијаманти се едни од хемиски најчистите дијаманти поради што имаат висок степен на оптичка прозрачност, соопшти аукциската куќа.
Синиот дијамант наречен „Аполо Блу“ е најголем дијамант од таа категорија кој некогаш е понуден на аукциска продажба и е 14.54 карати, додека другиот „Артемис Пинк“ содржи 16 карати.
Името на купецот на најскапите обетки во светот не е соопштено!
