Шанса да станеш YouTuber! Приклучи се! ↓↓↓
Ако имате типична канцелариска работа која бара долго да седите пред компјутер, или работите од дома, а сепак седите пред монитор, тогаш сте дошле на вистинското место.
Поради долго седење и мало движење може да се појават разни болки и потешкотии, особено штетни за ‘рбетот. Најчестите ефекти од долгото седење се слаби и вкочанети мускули, скратени тетиви и лигаменти, што на крајот предизвикува лошо држење на телото и болки во грбот и вратот. Најдобро решение се вежбите.
Птица – Куче
Станете во позиција, потпирајќи се на рацете и колената, со исправен грб. Подигнете ја едната рака и спротивната нога истовремено, држејќи го грбот исправен, а потоа вратете се на почетната позиција. Направете 4 серии од 15 повторувања.
Подигнете ги колковите
Легнете на подот и раширете ги нозете така што колената ќе ви бидат на ширина на рамената. Подигнете ги колковите, држејќи го остатокот од телото на подот, а потоа вратете се во првобитната положба. Направете 4 серии од 15 повторувања.
Истегнете се назад
Легнете на стомак. Подигнете го горниот и долниот дел од телото и држете го накратко во таа положба. Вратете се во првобитната положба. Направете 4 серии од 10 до 15 повторувања.
Кревање тегови
Веројатно повеќето од вас немаат тегови дома, но секоја тежина е добредојдена во оваа вежба. Може да користите и шишиња вода од 2 литри. Седнете на подот и потпрете ги градите на колена. Подигнете ги рацете, а потоа само полека вратете ги назад. Направете 4 серии од 12-15 повторувања.
