„Земјотрес“ на трансфер пазарот: Гвардиола кешира „стотка“ за Пјаниќ

Плејмејкерот на Јувентус е едно од „најжешките“ имиња во летниот трансфер период и големи се шансите да ја промени средината.

Неодамна се појавија информации дека Јувентус е спремен да го продаде Пјаниќ доколку пристигне понуда од 80 милиони евра, па веднаш се јавија неколку заинтерсирани клубови.

Челзи прв започна преговори со „старата дама“ и е спремен да ја плати сумата, но „граѓаните“ сакаат да ја победат конкуренцијата и спремија многу подобра понуда.

Гвардиола не сака да ја загуби битката како со Жоржињо и веќе му се јавил на Пјаниќ да го убеди да се пресели на „Етихад“. Босанецот не е задоволен што „бјанконерите“ не му нудат повисока плата и е спремен да се пресели во Премиер лигата.

Манчестер Сити е готов да понуди 100 милиони евра за неговиот потпис, сума која Јувентус нема да може да ја одбие.

Наводно и тренерот Алегри дал зелено светло на операцијата, бидеќи на местото од Пјаниќ го сака играчот на Лацио Сергеј Милинковиќ-Савиќ.

Pep Guardiola called Miralem Pjanic to inform him of the seriousness of Man City's interest in the player. Man City are planning to offer 100m to Juventus & 8m/year to the player. However, Max Allegri has informed Juventus that they should hold on to Pjanic at all costs. #GdS pic.twitter.com/7kgpUW8ilP

— Tarek Khatib (@ADP1113) July 22, 2018