Home Актуелно Временска прогноза за среда

Временска прогноза за среда

Го оставаме зад нас вторник, кој беше прилично пријатен во однос на метео условите на повисоките места. Максималната температура во Лазарополе денеска беше речиси иденична со онаа која УХМР ја измери во Гевгелија, 16,4°С.

Слично ќе биде и во среда. Пријатно и сончево во екот на целиот ден на повисоките места, додека котлините и речние долини ќе го започнат денот со магливо време. Развојот на метео условите ќе биде речиси идентичен како и во вторник.

Приквечер во урбаните средини мирисот на чад само ќе ја најави температурната инверзија, која пак ќе биде предусловот за појава на замаглување по котлините во текот на ноќта. Ветерот повторно ќе биде сосема слаб и ќе дува од југоисток.

Максималната температура денеска ќе има вредност помеѓу 10°С и 14°С низ поголем дел од котлините, а на повисоките места заради сончевото време помеѓу 12°С и 15°С.

Скопскиот регион повторно денот ќе го започне со магливо утро. Околу пладне очекуваме генерално разведрување.

Температурата ќе има највисока дневна вредност околу 12°С.

Load More Related Articles
Load More In Актуелно
Comments are closed.

Check Also

КПХФВ: Уличниот стил во Копенхаген ја обликуваше и обои радоста

Вистина е дека, со целиот хип околу Париската недела на висока мода, Копенхаген можеби ост…