Времето во земјава ќе биде сончево и топло, попладне со мала до умерена локална облачност. Ќе дува умерен ветер од северен правец кој повремено ќе се засилува, особено вдолж Повардарието.
Дневната максимална температура ќе се движи од 32 до 37 степени. УВ индексот ќе има вредност 7.
Во Скопје и околината ќе биде сончево и топло, попладне со мала до умерена локална облачност. Ќе дува умерен ветер од северен правец кој повремено ќе се засилува. Температурата ќе се движи од 13 до 36 степени.
Во вторник ќе настапи зголемување на облачноста проследено со врнежи од дожд кои локално ќе бидат поројни со засилен ветер и појава на грмежи. И во среда ќе има локален дожд во југоисточните делови, особено претпладнето. Дневните температури на воздухот ќе бидат во опаѓање за околу 7 степени, а на некои места и повеќе и ќе се движат од 23 до 30 степени.Од четврток повторно следува стабилно време со постепен пораст на дневните температури.
