Вооружен напад на Универзитетот Хајделберг во кој загина едно лице – напаѓачот се самоубил

Едно лице е убиено, а три се сериозно повредени во вооружениот напад кој се случи на Универзитетот во германскиот град Хајделберг, по што напаѓачот се самоубил.

Полицијата кажа дека тој користел долго оружје и без контрола пукал по амфитеатарската сала.

Германските медиуми објавија дека нападот нема верски или политички мотиви. Според весникот „Билд“, напаѓачот бил студент на универзитетот, но неговиот идентитет не е откриен.

„Веруваме дека напаѓачот дејствувал сам. Во овој момент, можеме да кажеме дека веќе нема опасност за јавноста“, соопшти полицијата.

Хајделберг е универзитетски град во југозападна Германија, која има строги закони за користење оружје и пукањата на училиште се многу ретки. Сите под 25 години мора да поминат низ психолошка проценка пред да добијат дозвола за оружје.