Како што пренесуваат шпанските медиуми, Андрес Иниеста би можел ова лето да ја напушти Барселона.
Иниеста целата кариера ја помина во Барселона каде стекна легендарен статус, а со оглед на фактот дека во моментов има 33 години и договор само до следното лето, разделбата е се поизвесна.
Шпанските медиуми тврдат дека Иниеста нема намера да го продолжи договорот со Барселона, а негова следна дестинација би можела да биде Серија А, односно милански Интер.
„Нероаѕурите“ се во потрага по врвен играч за врска и наводно имаат намера да испратат понуда до Иниеста.
Барселона нема да се противи на неговото заминување доколку самиот играч одлучи да замине и кариерата да ја продолжи на друго место.
