Поради одржување спортска манифестација организирана од општина Валандово, сообраќајот на патот Удово – Валандово е во прекин од 8:45 часот, информираат од Авто-мото сојузот на Македонија (АМСМ).
Оттаму соопштуваат дека сообраќајот ќе се пренасочува по автопатот.
Од АМСМ додаваат и дека сообраќајот на државните патишта се одвива по суви коловози, а интензитетот на сообраќај на патните правци надвор од градските средини е умерен.
На граничните премини, од македонска страна, нема подолги задржувања за влез и излез од државата.
