Најдобрите џез-албуми се оние на кои постојано им се навраќаме и кои на некој начин го промениле нашето слушателско искуство. Но, кои изданија да ги одбереме за викендов? Свој избор понуди Никола Миросавиќ, џез-трубач, композитор и аранжер, кој дипломирал џез-труба на Факултетот за музичка уметност во Белград.
Миросавиќ е посветен на џезот и на неговото доближување до пошироката публика. На својот инстаграм-профил споделува знаење и искуства, а во текст на својата веб-страница издвојува 20 албуми што ја одбележале историјата на жанрот и кои би требало да ги слушне секој љубител на музиката.
Изборот не е замислен како строго рангирање на најдобрите изданија, туку како покана за слушање, истражување и запознавање со албумите што го обликувале џезот и станале нераскинлив дел од неговото наследство.
@foonihouse
Џез-албуми за сите времиња
20. „Relaxin’“ – Мајлс Дејвис
Без разлика дали ќе почнете со овој албум или со оној на првото место, изборот нема да биде погрешен. Редоследот не означува предност: секое од овие изданија заслужува да биде на врвот.
Албумот е снимен во 1965 година, во студиото на Руди ван Гелдер, каде што во тој период биле создадени многу изданија на големите џез-музичари. Во неговото снимање учествуваат добро познати имиња, од кои речиси секое е застапено во овој избор со сопствен албум или со настап на некое од другите изданија.
На „Relaxin’“ свират Мајлс Дејвис на труба, Џон Колтрејн на саксофон, Ред Гарланд на пијано, Пол Чемберс на контрабас и Фили Џо Џонс на тапани. Композициите од албумот денес се познати џез-стандарди, достапни во бројни различни изведби и аранжмани.
19. „Lester Young & Buddy Rich Trio“
Препознатливоста на легендарниот американски саксофонист Лестер Јанг е во чувството дека секоја отсвирена мелодија е токму на своето место. Неговиот јасен и чист звук, проникнат со блуз, го придружува осмислен хармонски тек што се препознава во секоја музичка линија. Јанг живеел и творел во златното доба на џезот, заедно со многу големи мајстори на жанрот. Од тој период потекнува и овој албум.
„Lester Young and Buddy Rich Trio“ е снимен и објавен во 1946 година за „Mercury Records“. Содржи осум композиции, во изведба на Лестер Јанг на тенор-саксофон, Бади Рич на тапани и Нет Кинг Кол на пијано.
18. Ли Морган – „The Sidewinder“
Меѓу задолжителните изданија за запознавање со џезот е и „The Sidewinder“ на Ли Морган. Албумот содржи пет композиции што ги напишал самиот Морган, потпирајќи се на духот и формите на блузот.
Снимен е во 1945 година во студиото „Ван Гелдер“, а како и многу други албуми од тој период, објавен е за „Blue Note“. Издавачката куќа тогаш се соочувала со финансиска криза, во време кога џез-музичарите објавувале и за „Mercury Records“, „Columbia Records“ и „EmArcy Records“. Успехот на овој албум на некој начин ја спасил од банкрот: за само три дена биле продадени повеќе од 4.000 плочи и залихите биле исцрпени. Во јануари 1965 година, една година по објавувањето, албумот се нашол на 25. место на светската листа на џез-албуми.
На него настапуваат Ли Морган на труба, Бери Харис на пијано, Џо Хендерсон на тенор-саксофон, Боб Креншо на контрабас и Били Хигинс на тапани.
17. Чет Бејкер – „Chet Baker Sings“
Студискиот албум „Chet Baker Sings“ уште со своето појавување обезбедил место во историјата на џезот, а денес на Јутјуб бележи милионски прегледи. Во 2001 година го добил признанието „Grammy Hall of Fame Award“.
На албумот учествуваат Чет Бејкер како вокал и трубач, Рас Фримен на пијано, Карсон Смит и Џо Мондрагон на контрабас, како и Боб Нил, Џими Бонд, Ларенс Марабл и Питер Литман на тапани. Секоја композиција има сопствена особеност, благодарение на аранжманите и осмислените мелодиски линии што му даваат препознатлив авторски печат на изданието.
16. Бад Пауел – „The Prestige Quartet“
Ерл Рудолф Пауел, на пошироката публика познат како Бад Пауел, живеел и творел во златното доба на џезот. Како и многу музичари од тоа време, бил склон кон пороци и инциденти и често се движел во проблематично друштво.
Музичката кариера ја започнал во 1944 година, но во 1947 година накратко ја прекинал поради инцидент што се случил по еден настап.
Извор: Lepota i Zdravlje
Учество во игри на среќа е дозволено за лица со 18+ години. Играј одговорно!