Home Спорт Видео: Бронзата за Белгија, само четврто место за Англија

Видео: Бронзата за Белгија, само четврто место за Англија

Репрезентацијата на Белгија го оствари најголемиот успех во својата фудбалска историја и го освои третото место на Мундијалот во Русија.

„Црвените ѓаволи“ заслужено стигнаа до бронзата откако со 2:0 ја победија англиската репрезентација во „малото финале“.

Повратникот во тимот Томас Муние уште во 4-та минута го отвори резултатот после една убава акција. Белгија беше подобра во целото прво полувреме и создаде неколку изгледни шанси.

Англија подобро го отвори второто полувреме, а најзрелата шанса ја имаше Ерик Даер во 70-та минута кога го совлада Куртоа, но топката од гол линијата ја извади Алјдервајлед.

Казната стигна во 82-та минута, Де Брујне одлично го проигра Азар кој од пет метри го матираше Пикфорд за најголемиот успех во историјата на Белгија.

Вчитај повеќе поврзани статии
Comments are closed.

Check Also

Прва светска титула во кошарка за Германија

Германската кошаркарска репрезентација на сензационален начин стигна до својата прва титул…