Шанса да станеш YouTuber! Приклучи се! ↓↓↓
Заменик-командантот на рускиот јужен воен округ, генерал Олег Цоков, бил убиен при украински ракетен напад, објави руската државна телевизија. Тој е шеста жртва од високиот ешалон на руската војска од почетокот на воената инвазија на Русија врз Украина.
„За жал, тој загина херојски. Тој човек заслужува големо признание, тој имаше неверојатен авторитет во вооружените сили“, изјави пензионираниот генерал и пратеник во Думата Андреј Гуруљов за телевизијата.
Руското Министерство за одбрана официјално не потврди дека Цоков е убиен. Неколку руски Телеграмски канали претходно објавија дека Цоков е убиен во гранатирањето на окупираниот украински град Бердјанск, кој се наоѓа на околу 100 километри од фронтот.
Киев значително го засили гранатирањето на руските задни командни и логистички центри и складишта за гориво и муниција во последните неколку недели, користејќи, меѓу другото, британски крстосувачки ракети „Storm Shadow“.
Цоков (51) се најде на европската листа на санкционирани за учество во војната. Се верува дека тој е делумно одговорен за серијата ракетни напади врз украинските градови. Тој е шестиот руски генерал чија смрт е потврдена од почетокот на војната во Украина во февруари 2022 година.
