Трите правила на Еди Марфи за успех во животот – едното е поврзано со сопругата од Вил Смит (снимка)


Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓


Актерот и комичар Еди Марфи е добитник на овогодинешната награда „Сесил Б. Демил“ на церемонијата за доделување на Златните глобуси. Додека ја примаше наградата, тој во својот говор ги кажа неговите три правила за успех во животот.

„Сакам да ве известам дека постои дефинитивен план што можете да го следите за да постигнете успех, просперитет, долговечност и мир на умот. Постои план и јас го следам цела моја кариера. Многу е едноставно“, Марфи изјави на публиката.

„Само направете ги овие три работи: плаќајте ги даноците, гледајте си ја својата работа и не кажувајте го името на сопругата на Вил Смит“, рече Марфи, кој случајно е пријател на Смит.

Да потсетиме дека Крис Рок ја спомна и Џејда во својот говор на Оскарите. Смит првично се насмеал од коментарот, но кога ја видел бесната реакција на неговата сопруга, и тој се налутил и излетал на сцената и го удрил Рок. Кога се вратил на своето место, Смит извикал: „Не кажувајте го името на мојата сопруга“.