Летен тренд што спојува preppy шарм и спортска енергија
Ова лето, трендот кој доаѓа директно од тениските терени ги освои и улиците на метрополата – станува збор за плисирана тениска сукња! Со својата леснотија и разиграност, таа го пренесува духот на спортот во градската урбана џунгла, обединувајќи стил и комфор.
Додека турнирот Ролан Гарос блеска на спортската сцена, модната публика не чекаше да се делат медали за да ја прифати оваа сукња. Иконите како Штeфи Граф, Винус и Серена Вилијамс оставија траен печат не само на тениската историја, туку и на модната. Не можеме да го занемариме ниту влијанието на филмот „Челинџерс“, ниту пак возбудата околу најавената соработка помеѓу Миу Миу, Њу Баланс и Коко Гауф, која се очекува во септември 2025 година и веќе предизвикува врева во модните кругови.
Плисираната сукња што се движи во чекор со тебе
На ТикТок, меѓу обожавателките на Y2K естетиката, тениската сукња стана must-have парче: весела, младешка и навистина стилска. Иако потекнува од светот на спортот, денес е незаменлива во секојдневните, лежерни, но внимателно стилизирани комбинации. Athleisure модата никогаш не изгледала подобро!
Од модните писти на Миу Миу, до супер популарни брендови како Спорти & Рич и Лакост, оваа спортска мини сукња веќе го има статусот на неопходно летно парче.
Како ја носиме ова лето?
Во комбинација со едноставни топчиња, oversize блејзери, бели патики и високи чорапи, тениската сукња создава современ изглед што е истовремено preppy и sporty, со доза на разиграност. Совршена е за дневни прошетки, brunch со пријателки, па дури и вечерни излегувања во комбинација со crop top и впечатливи обетки. Без разлика дали ја носите со поло маица за класичен „тениски шик“, или со тренди Y2K crop топ, едно е сигурно – оваа сукња ќе владее летото 2025 година.
Изберете ја вашата верзија од новите летни колекции и дозволете вашиот стил да одигра совршен моден меч без грешка!
