Актуелно

Стојков: Секако Македонија ништо не прави за Македонците во Бугарија

Договорот за добрососедство со Бугарија крена голема прашина во нашата јавност, а освен голем број аналитичари, историчари и политичари кои имаат спротиставени мислења, со свој став се јавија и едни од најзасегнатите, Македонците во пиринскиот дел на Македонија.

„За разлика од оние кои тврдат дека со договорот за добрососедство со Бугарија се затвораат многу прашања, јас го велам спротивното – со овој договор се отвораат серија нови проблеми“, вели во изјавата за МКД.мк Стојко Стојков, претседател на партијата на Македонците во Бугарија ОМО Илинден – Пирин.

„Со договорот за добрососедство Бугарија доби додатни механизми за оценка и за забавување на патот на Македонија кон ЕУ. Комисиите предвидени да се формираат со овој договор ќе ја влошат ситуацијата, затоа што тие комисии сега ќе креираат нови услови за македонското членство во ЕУ. Очекувано беше дека Република Македонија ќе се согласи дека се откажува од нас, Македонците во Бугарија. Таа во последниве 25 години никогаш и не се грижела за нас и покрај уставните обврски. Ако се грижеше за нас до сега ќе ни дадеше барем македонски пасоши, државјанства, и денес немаше да имаме вакви проблеми. Но, верувајте, за нас беше полесно да добиеме американски пасош, отколку македонски. А во меѓувреме Бугарија безусловно делеше бугарски пасоши на македонски државјани. Тоа е разликата од држава која работи, и држава која не работи“, изјави Стојков за МКД.мк, претседателот на ОМО Илинден – Пирин, партијата која ги штити правата на Македонците во Бугарија и е член на Европската слободна алијанса.

To Top