Според руското МО 24 платеници од Македонија загинале на украинските боишта


Вака се слави гол во 120-та минута!!! ↓↓↓


Руската амбасада во Скопје сподели информација на руското Министерство за одбрана за бројот на странски платеници кои се борат во Украина, според кои во борбите со руските сили досега загинале 24 македонски државјани, 19 си заминале, а вкупно на фронтот имало 79 платеници од Македонија.

Според овие податоци, во моментов во Украина би требало да се наоѓаат најмалку 36 лица од Македонија кои учествуваат во борбите.

Руското Министерство за одбрана наведува дека ги следи и регистрира по име и презиме сите странски платеници кои пристигнале во Украина за да учествуваат во воените дејствија.

„Според меѓународното хуманитарно право, странските платеници не се борци и најдоброто што ги чека, доколку бидат фатени живи, е судење и добивање на максимална затворска казна“, порачува министерството, а пренесува Амбасадата на Руската Федерација.

Министерството им порачува на лицата кои се наоѓаат во Украина или се тргнати за да се приклучат на украинските сили, „да се вразумат и да се вратат дома живи“.