Шпански Куп: Атлетико – Барса во полуфинале!

Откако синоќа беа познати сите полуфиналисти од Купот на кралот денес се одржа жребот кој донесе големо дерби во полуфиналето.

Имено, жребот сакаше двата најголеми фаворити Атлетико Мадрид и Барселона да се сретнат во полуфиналето, додека другата полуфинална двојка ја сочинуваат Селта и Алавес.

Полуфиналните натпревари на програмата се веќе наредната недела, односно 1-ви и 2-ри февруари, а реваншите се за седум дена.

Титулата ја брани Барселона која има шанса да направи „хет-трик“, бидејќи го освои Купо и во 2015 и 2016 година.

Парови:
Атлетико Мадрид – Барселона
Селта – Алавес