Шестмина застрелани во библиотека во Њу Мексико

Вооружен напаѓач влегол во библиотеката во градот Кловис, во американската сојузна држава Њу Мексико, а според извештаите на локалните медиуми застрелел шест лица.

Одредени медиуми јавија дека напаѓачот е уапсен, но засега нема потврда за оваа информација, јавува Макфакс.

Мотивите за нападот не се познати.

Локалните медиуми објавија дека непозмат маж влегол во библиотеката во Кловис и започнал да пука во луѓето. Одредени медиуми тврдат дека загинале шест лица, додека други медиуми објавија дека смртно страдале најмалку две лица.