Шеј Мичел не планира свадба: Како им објаснува на ќерките зошто со Мате Бабел не се во брак

Шеј Мичел и Мате Бабел се заедно речиси десет години. Актерката, која има 39 години, и 46-годишниот поранешен телевизиски водител ја почнале врската во 2017 година, по долгогодишно пријателство. Денес се родители на две ќерки: осумгодишната Атлас и четиригодишната Роум.

Мичел и претходно зборувала зошто не планираат да се венчаат, а сега откри и како им го објаснува тоа на ќерките кога ја прашуваат зошто нивните родители не се во брак.

Гостувајќи кај Клои Кардашијан во Khloe in Wonder Land, актерката објасни зошто свадбата не е дел од нивните планови.

„Постојано ме прашуваат зошто не сме венчани. А јас им велам: ‘Мама и тато се партнери. Едноставно не сакав свадба и не ми е потребна. Тоа не е нешто што го посакувам’“, рече таа.

Шеј додаде дека прашањето повторно се отвора кога некој од нивното опкружување ќе се сврши.

„Ги гледаш тие филмови, ги читаш книгите и секогаш завршуваат со ‘си живееја среќно до крајот на животот’, затоа што си заминала кон зајдисонцето со некого — со својот принц. Па таа постојано ме прашува: ‘Кој е твојот принц?’ Не сакам тоа да биде единствената приказна што ќе ја смета за можна“, продолжи актерката.

„Не се обидувам да докажам нешто. Едноставно, таа расте гледајќи нè мене и татко ѝ како живееме така. И мене тоа ми е сосема во ред“, рече Шеј. „Секогаш кога ќе ме праша: ‘Сакаш ли да се омажиш? Зошто не сте венчани?’, ѝ велам: ‘Едноставно не сакам, а и не мораш да бидеш во брак’. Таа вели: ‘Добро. Добро’. Гледам дека почнува да размислува за тоа.“

Клои потоа ја праша дали отсекогаш немала желба да стапи во брак.

„Да… Навистина не сум сакала. Моите родители се заедно 40 години и имаат прекрасен однос. Значи, не е дека немав добар пример — навистина имав“, објасни таа. „Едноставно, не знам. Можеби нештата ќе се сменат за пет години. Но ја сакам слободата да кажам: ‘Во овој момент избирам да бидам со тебе’. И тој го прави истиот избор со мене. И тоа ни функционира, знаете?“

Во 2024 година, Шеј изјави дека никогаш не си го замислувала бракот како нешто што сака да го оствари.

„Мислам дека за двајцата сè функционира многу складно. Тој е прекрасен татко и одличен партнер, и токму така нè гледам. Ние сме одлични животни партнери“, рече таа во емисијата Today.

Уште во 2021 година актерката кажа дека не чувствуваат „никаков притисок“ да се венчаат.

„Ми се допаѓа што се враќаме дома и секој ден си велам: ‘Јас те избирам тебе, а ти ме избираш мене’. Тоа нè држи будни во врската. Си велам: ‘Можам да си заминам. Не морам да одам преку адвокат, едноставно можам да си заминам’. Истото важи и за него. Тоа ја одржува привлечноста меѓу нас.“

Извор: Just Jared