Сека Алексиќ за роденденската прослава ангажираше декоратор, слаткар и самиот Бетмен
Помладиот син на Сека Алексиќ и Вељко Пиљикиќ е роден на 20 јануари, на Јованден, поради што го доби името Јован. Сепак, оваа година роденденската прослава ја организираше со мало задоцнување, но од мама и тато доби вистински спектакл.
Во семејната вила во Стара Пазова, мама, која се погрижи за секој детаљ, му приреди незаборавна роденденска забава на својот син Јован, кој оваа година посака темата да биде „Бетмен“.
Спектакуларна декорација и два суперхерои
Освен роденденската торта и слаткото катче, целата куќа беше украсена во црно-жолти тонови, за да се испочитува темата. Но, најголемото изненадување пристигна во моментот кога за време на роденденската песна се појави Бетмен – маскота што Сека ја ангажираше специјално за својот син.
Јован, пак, за оваа прилика одбра да биде Супермен, па така зад роденденската маса во еден момент имаше два суперхерои.
Роденденска забава вредна за паметење
На прославата присуствуваа членовите на семејството, како и другарчињата од градинка и соседството, а веселбата траеше цел ден.
Сека уште еднаш покажа дека нема конкуренција кога станува збор за организација на роденденски прослави, а малиот Јован не ја криеше својата среќа.
