Шоуранерката на „Вовед во анатомија“ откри новости за спинофот сместен во Тексас и можни гостувања во 23. сезона

„Неверојатно е. Едно е да можеш да работиш за неа, а сосема друго е да работиш со неа, и тоа е навистина многу забавно“, изјави Маринис за повторната соработка со 56-годишната Рајмс. „Таа сè претвора во злато. Ѝ испраќаш нешто, а таа ти го враќа и тоа е неверојатно. Навистина е многу забавно. Немав можност вака да работам со неа веќе подолго време, бидејќи се прошири и работеше на многу серии, па затоа ова навистина ми причинува големо задоволство. Имаме одличен однос.“

Серијата сместена во Тексас, која засега сè уште нема наслов, е уште еден спиноф по успехот на веќе завршените Private Practice и Station 19. Актерската екипа сè уште не е јавно објавена, но се очекува новите ѕвезди да бидат претставени во некоја од претстојните епизоди на Grey’s.

„Сè уште утврдуваме во која епизода ќе биде тоа“, навести Маринис. „Традиционално, така се прави кога се подготвува спиноф. Во моментов сè уште го усогласуваме тајмингот.“

Можно е и новата медицинска драма да вклучи актери од оригиналната серија, од кои многумина и натаму имаат отворена покана повторно да ги толкуваат своите ликови во „Греј Слоун Меморијал“.

„Секогаш сме отворени за враќање на стари ликови. Една од убавите работи кога имате серија што стигнува до 23. сезона е тоа што можете да го направите и тоа е прекрасен подарок за фановите“, мистериозно најави извршната продуцентка. „Сепак, сè зависи од тоа колку креативен простор имаме и од распоредот на луѓето, бидејќи кога ќе ја напуштат серијата, тие продолжуваат со други ангажмани, па работите стануваат покомплицирани. Јас секогаш внимавам на можности да ги вратиме луѓето за една или две епизоди.“

Grey’s Anatomy се емитува на ABC во четврток во 22 часот по источноамериканско време.

Извор: US Weekly