„Сабота навечер во живо“ му оддаде почит на Патрик Стјуарт со снимка од неговото гостување

Емисијата „Сабота навечер во живо“ му оддаде почит на Патрик Стјуарт по неговата смрт минатата недела, на 86-годишна возраст.

Хумористичното шоу на Ен-би-си повторно емитуваше кратка снимка од 5 февруари 1994 година, кога Стјуарт беше домаќин на емисијата. Во неа актерот со голем ентузијазам ги најавува музичките гости, групата „Солт-ен-Пепа“. Снимките од неговите две најави на музичките гости во шоуто станаа вирални.

Последниот филмски настап на легендарниот актер ќе биде прикажан во декември. Во „Avengers: Doomsday“ на „Марвел студиос“, Стјуарт повторно го игра професорот Чарлс Ксавиер од „Икс-мен“, како дел од актерска екипа со бројни ѕвезди.

Студиото, кое е во сопственост на „Дизни“, во четвртокот објави нова фотографија од Стјуарт како професорот Икс, придружена со соопштение во негова чест.

Извор: US Weekly