Сè што треба да знаете за дехидрирана кожа

Кожата може да стане дехидрирана поради повеќе причини.

Една од основните причини е лошата секојдневна хидратација. Потоа, можеби не толку очигледна причина е навиката за миење на лицето со премногу топла вода. Дефинитивно, нерегуларниот пилинг, оштетувањата предизвикани од слободните радикали или UV зраците и загадувањето во воздухот, исто така доведуваат до сушење на кожата на лицето. На крајот, но секако не и најмалку важен фактор, е недоволното внесување на вода во организмот.

Ако не посветувате внимание на наведените фактори, состојбата со вашата кожа низ годините може само да се влоши. За да ви ја претставиме појасно дехидрираната кожа и да ви овозможиме да ги препознаете првите знаци на овој проблем, прашавме стручни дерматолози да го споделат своето искуство со нас.