Руски дипломат протеран од Бугарија под обвинение за шпионажа


Вака се слави гол во 120-та минута!!! ↓↓↓


Под обвинение за шпионажа, бугарските власти протераа руски димпломат од земјата и побараа отповикување на истиот од страна на рускиот амбасадор во Софија.

Министерството за надворешни работи на Бугарија во понеделникот соопшти дека побарало од рускиот амбасадор во Софија да го отповика дипломатот обвинет за шпионажа. Обвинителството соопшти дека за дипломатот примило информации од националната агенција за безбедност и дека истрагата „целосно ги потврдила обвиненијата“.

Наводно од септември 2018 година рускиот дипломат, прв секретар во амбасадата на Москва во Софија, имал редовни средби со Бугари, меѓу кои и еден висок функционер со пристап до доверливи информации за Бугарија, за ЕУ и за НАТО, и им понудил компензација во замена за информацијата.

Бугарија, најблискиот сојузник на Москва за време на Студената војна, им се придружи на НАТО и Европската Унија последнава деценија, но сè уште во снабдувањето со енергија е скоро целосно зависна од Русија.