Роналдо: Јас сум најдобриот играч во Серија А, никогаш нема да бидам тренер!

Ѕвездата на Јувентус, Кристиано Роналдо даде големо божиќно интервју за „ДАЗН“ во кое зборуваше за многу теми.

Португалецот нема сомнеж дека тој е најдобар играч во Серија А и дека игра во најдобриот италијански клуб, а откри дека во иднина нема да биде тренер.

„Мојот свет е фудбалот, но и тоа што се случува надвор од него. Сега сум веќе и бизнисмен и тоа е нормално кога правиш нешто различно и надвор од фудбалот. Сепак, најважен дел од мојот живот се уште е фудбалот, иако се занимавам и со други работи“, изјави Роналдо.

„Во Италија ми се допаѓа се, не само храната. Ми се допаѓа италијанската култура, менталитетот. Моментално сум во најдобриот клуб во Италија, во Јувентус ми е прекрасно и не ми недостасува ништо“.

Роналдо меѓу другото истакна дека освојувањето на Европското првенство во 2016 година е најважниот трофеј во неговата кариера и дека воопшто не го привлекува тренерската работа. На прашањето кој е најдобар играч, а кој најдобар дефанзивец во Серија А одговори:

„Најдобриот играч стои пред вас. Јас ја добив наградата за најдобар играч во Серија А. Што се однесува до дефанзивците најдобри се Бонучи, Киелини и Де Лихт“, истакна Португалецот.

SIUUU!
Cristiano Ronaldo ci racconta come è nata la sua esultanza

Linea Diletta torna il 26 dicembre. Solo su #DAZN pic.twitter.com/VqKxDRU456

— DAZN Italia (@DAZN_IT) December 18, 2019