Home Актуелно Престигнување на полна лента – причина за сообраќајката во која беше усмртено бебе

Престигнување на полна лента – причина за сообраќајката во која беше усмртено бебе

Причината за сообраќајната несреќа во која загина едно бебе, а што се случи вчера на патот Кичево-Македонски Брод, е престигнувањето на полна лента на коловозот.

Од Основното јавно обвинителство во Кичево наведуваат дека според првичните информации, несреќата се случила кога возачот на автомобилот „голф“, со охридски регистарски таблички, што се движел од Македонски Брод кон Кичево, направил обид за престигнување влекач со приколка, марка ТАВ со кичевски регистарски таблици. При престигнувањето возилото „голф“ удрило во автомобилот „алфа ромео“ со регистарски таблички од Република Словенија, што доаѓало од спротивниот правец.

Бебето починало на самото место, а тешки повреди добиле пет лица, кои се пренесени во медицински установи за укажување натамошна помош.

Од Обвинителството наведуваат дека се прибрани траги од местото на несреќата и претстои нивно вештачење, како и сообраќајно техничко вештачење за утврдување на околностите за настанот.​

Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…