На денешната собраниска седница по скратена постапка беа изгласани измени на Законот за исплатата на платите, што предвидува од септември 2019 година платите да бидат зголемени за 5 проценти за сите вработени во јавниот сектор.
Пратениците изгласаа потреба за донесување на законот по скратена постапка, по предлог на пратениците Јован Митрески, Ејуп Алими, Мерал Узеири-Ферати, Неџбедин Каремани, Мирослав Јовановиќ, Јусуф Хасани и Јагода Шахпаска.
Пратеникот Јован Митревски образложи дека покачувањето за 5 отсто на платите во јавниот сектор ќе ги опфати буџетските корисници – јавните установи, локалната самоуправа, социјалните фондови, агенциите итн…
„Со оглед на тоа што не станува збор за сложен и обемен закон, предлагаме да биде донесен по скратена постапка“, рече Митревски.
Претседателот на Собранието Талат Џафери ги задолжи претседателите на две собраниски тела – Комисијата за труд и социјална политика, како матична, и Законодавно-правната комисија, да одржат седници за да го разгледаат и да се произнесат за предлогот.
Учество во игри на среќа е дозволено за лица со 18+ години. Играј одговорно!