Уствари викендов е затишје пред бура! ↓↓↓
По три години падна на Уставен Иницијативата за оспорување на екстерното тестирање поднесена од група професори од битолското техничко училиште Ѓорѓи Наумов.
Иницијативата е отфрлена бидејќи одредбите и трите правилници кои професорите ги оспоруваат веќе не се важечки односно не постојат во правниот поредок. Иницијативата е поднесена во 2013 година, а оттогаш Законот за средно образование беше сменет неколку пати. Одредбите кои беа оспорени се однесуваа на начинот на составување на тестовите, спроведувањето на екстерното и вреднувањето на успехот на наставниците и учениците.
На уставните судии им требаа три години да ја стават на дневен ред иницијатива поднесена во 2013 тата година. Според дел од професорите неизвесно е кога на ред ќе дојде иницијативата за оспорување на екстерното која ја поднесе Наставничкиот пленум минатата година.
Најголем проблем според професорот Димовски е што не се надминаа недостатоците во екстерното тестирање на кои укажаа професорите и учениците.
Иако беше една од најкритикуваните реформи која пред две години на улица ги извади учениците, родителите и наставниците, власта не се откажа од спроведувањето на екстерното тестирање кое во јануари ќе го полагаат учениците од завршните години во средните училишта.
