Кајла Реј Рид, поранешната сопруга на Рајан Лохте, јавно ја критикуваше неговата свршеница Моли Гилихан, откако таа зборувала за децата на поранешните сопружници и за нивниот договор за старателство.
Поранешната сопруга на 42-годишниот пливач и освојувач на олимписки златни медали порача дека „опседнатоста“ на Гилихан со неа мора да престане.
„Длабоко ме вознемирува тоа што некој, кој очигледно со години го проучува мојот живот, се вмешува во него и се обидува да копира делови од него, и натаму нè прави мене и моите деца тема на јавни разговори“, изјави Кајла за Us Weekly. „Не ми бега иронијата во тоа да ме нарекува нарцис личност што изгледа толку неуморно преокупирана со мене.“
„Јас поднесов барање за развод. Јас решив да го напуштам бракот. Немам никаков интерес повторно да се навраќам на него, да се натпреварувам со некого за него или да учествувам во каква било бизарна приказна што се создава за некој друг да се почувствува важен“, продолжи таа.
Зборувајќи за поранешниот сопруг и неговата свршеница, Кајла рече: „Додека тие се занимаваат со мене, јас одгледувам три деца и ги носам речиси сите обврски околу секојдневната грижа за нив и нивното финансиско издржување. Го немам тој луксуз туѓиот живот да ми биде главна преокупација.“
„Кога би имала исто толку слободно време и пари на располагање, можеби би ги искористила за да ги разгледам правните можности, наместо постојано да барам да се почитуваат основните граници“, додаде таа, нагласувајќи дека вложила огромен труд за да изгради мирен и среќен живот надвор од тој брак.
Кајла истакна дека нема желба повторно да биде вовлечена во „нездравите односи што свесно решив да ги оставам зад себе“. Таа нагласи дека не сака да се врати во поранешниот брак, ниту да биде вмешана во сегашната врска на Лохте.
„Не сакам да зборуваат за мене, да ме следат, да ми се обраќаат под лажни изговори или да ме користат како тема за своите приказни. И секако не сакам моите деца да се користат за привлекување јавно внимание“, порача таа.
„Во одреден момент, опседнатоста мора да престане. Јас продолжив понатаму. Им предлагам и на сите други да го сторат истото. Оставете нè мене и моите деца на мир. Навистина е толку едноставно.“
Извор: Just Jared
Учество во игри на среќа е дозволено за лица со 18+ години. Играј одговорно!