Почина Лиза Мари Присли – единственото дете на рокенрол легендата Елвис Присли


Викенд најава - Најинтересно во Серија А! ↓↓↓



Познатата пејачка Лиза Мари Присли почина на 54-годишна возраст. Таа беше единственото дете на покојниот Елвис Присли и Присила Присли.

Веста за смртта на Лиза Мари ја потврди нејзината мајка Присила преку соопштение за јавноста.

„Со тешко срце морам да ја споделам тажната вест за мојата прекрасна ќерка Лиза Мари не напушти. Таа беше најстрасната, најсилната и најсакана жена што некогаш сум ја познавал“, рече Присила Присли во изјавата дадена за Си-Ен-Ен од претставник.

„Ви благодариме за љубовта и молитвите. Засега нема да има дополнителни коментари“.

Лиза Мари Присли беше хоспитализирана претходно во четвртокот, откако доживеа срцев удар. Од срцев удар на 42 години почина и нејзиниот татко Елвис Присли и нејзината баба Гледис, мајката на Елвис.

Лиза Мари беше во брак четири пати: со музичарот Дени Кео од 1988 до 1994 година, со поп-ѕвездата Мајкл Џексон од 1994 до 1996 година, со актерот Николас Кејџ од 2002 година (иако се разделија по само три месеци) и со музичкиот продуцент Мајкл Локвуд од 2006 до 2021 година (се разделија во 2016 година).

Имаше две деца од првиот брак, ќерката актерка/модел Рајли и синот Бенџамин Сторм Кео, и две од четвртиот брак, близнаците Харпер Вивиен Ен и Финли Арон Лав Локвуд. Во јули 2020 година, трагедија повторно го погоди семејството Присли, кога Бенџамин се самуби на 27-годишна возраст.