Home Актуелно Писмо со закани и куршум за Коѕијас

Писмо со закани и куршум за Коѕијас

Министерот за надворешни работи на нашиот јужен сосед, Никос Коѕијас повторно добил заканувачко писмо и куршум. Причина за тоа се прашањето за името и преговорите што се во тек, објави весникот „Та неа“, а пренесува МИА.

Весникот пишува оти на почетокот од неделава во грчкото Министерството за надворешни работи пристигнал куршум завиткан во писмо адресиран до Коѕијас, но дека не е целосно познато што точно се случило и дали функционирала или не безбедносната мрежа во Министерството за откривање на сомнителни писма и пратки.

Куршумот, заедно со дописот биле веднаш испратени до полицијата за да се направи истрага и да се открие испраќачот.

Според досегашните најави Коѕијас следната недела треба да допатува во Скопје на средба со шефот на македонската дипломатија Никола Димитров.

Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…