Петочна и викенд временска прогноза


Вака се слави гол во 120-та минута!!! ↓↓↓


Денешниот петок во Македонија носи променливо облачно време. Претпладне со услови за појава на магла по одделни котлини. Ќе дува умерен до засилен ветер од југоисточен правец. Минималната температура ќе биде во интервал од 3 до 9, а максималната ќе достигне од 10 до 14 Целзиусови степени.

Во Скопје значително облачно, претпладне со услови за појава на магла. Ќе дува умерен ветер од југоисточен правец. Минималната температура ќе се спушти до 5, а максималната ќе достигне до 12 степени.

Како што соопшти Управата за хидрометеоролошки работи (УХМР), продолжува периодот на променливо облачно време со релативно високи утрински температури. Под влијание на влажен бран, за време на викендот ќе има повремени врнежи од дожд, кои во текот на ноќта кон недела и во недела наместа ќе бидат пообилни. Ќе дува умерен до засилен јужен ветер.

Од понеделник се очекува заладување што ќе услови провејување снег и во некои пониски места.

Минималната температура ќе се движи од два до 12 степени, а максималната од шест до 16 степени.