Пендаровски тврди: Нема најава дека Бугарија ќе нè блокира за датум за преговори со ЕУ


Уствари викендов е затишје пред бура! ↓↓↓


Според македонскиот претседател Стево Пендаровски, од страна на бугарскиот државен врв нема никакви најави за блокирање на Македонија при доделувањето датум за отпочнување преговори со ЕУ.

Според него, бугарскиот државен врв на одржаниот состанок во понеделникот најави поставување барања кои би биле врамени како нивни бенчмаркови во понатамошниот тек на преговорите.

– Нема никаква најава ниту од релевантен фактор од соседна Бугарија, дали е тоа претседател, дали е Владата, надлежните министри, дека Бугарија сега ќе не блокира во средината на овој месец кога чекаме да добиеме датум за преговори, кога ја очекуваме европската одлука на 15 или на 17 октомври. Како понатаму, не само Бугарија, туку можеби и Грција низ понатамошната имплементација на Преспанскиот договор, ќе се однесува во текот на преговорите кои траат со години, во тој долг процес, ќе видиме. Допрва ќе прочитаме и чуеме тоа што го најавуваат како преговарачка рамка за ова прашање, но повторувам тоа е за понатамошниот период кога ќе почнеме да преговараме, се надеваме од почетокот на 2020 година, рече претседателот Пендаровски.

Тој додаде дека во оној момент кога ќе ја видиме преговарачката позиција ќе може да кажеме како ние ќе одговориме на тоа.

– Ние не можеме на хипотетска преговарачка рамка да антиципираме што може тие да бараат од нас. Таа е реалноста во ЕУ, тие што се внатре бараат или поставуваат услови за оние што се надвор. Тоа може да дојде и низ заедничката европска позиција. Секоја од земјите членки дава импут, тоа што мисли дека е нејзин национален интерес и тоа на крај нам ни се претставува како кандидат како позиција на ЕУ, рече Пендаровски.