Кој ќе тепа на Ел Класико!? ↓↓↓
Кривичниот судија Владимир Панчевски, кој се товари за делење случаи на рака на кривични судии и злоупотреба на системот за делење на судски предмети во случајот „Акмис“, во времето кога беше претседател на Кривичниот суд, денес на социјалната мрежа Фејсбук преку статус се пожали дека бил исфрлен од канцеларијата, откако вчера беше суспендиран.
„Ете и тоа го дочекав, утрово избркан како партал од канцеларијата и судската зграда, судски полицаец дојде да ја заклучи канцеларијата, ни одлука сум примил, ни официјално сум известен, ниту сум известен за било која од постапките на прогон против мене, освен од медиуми.
Така функционира овој криминален систем!
Тоа е таа ”благодарност” на системот за 24 години стаж во правосудните органи од кои 11 години судиски стаж во Кривичниот суд со потврдени најдобри резултати!
Слава на Зоран Заев и Радмила Шеќеринска“, напиша Панчевски на фејсбук.
