Ништо ново кога се во прашање фудбалските натпревари во Грција. Повторно видени големи немири и нереди и повторно повредени. Овој пат копјата се скршија врз српскиот фудбалски стратег на клупата од ПАОК, Владимир Ивиќ.
За време на дуелот од плеј-оф фазата помеѓу Панатинаикос и ПАОК, навивачите на домашниот тим со полна лименка пиво го погодија во глава Владо Ивиќ. Некогашниот првотимец на Партизан падна на земја, а натпреварот беше прекинат во 54-та минута при резултат од 1:0 за домаќините.
Според последните информации, Ивиќ е хоспитализиран во една од атинските клиники со расеченица на главата.
Инаку, Панатинаикос и ПАОК, заедно со АЕК и Паниониос играат во плеј-оф фазата од која првопласираниот тим ќе избори пласман во квалификациите за Лигата на шампионите.
Учество во игри на среќа е дозволено за лица со 18+ години. Играј одговорно!