Актуелно

Од утре во Грција ќе може да се влезе и со брз тест за Ковид-19

Од утре, 6 часот наутро, во соседна Грција ќе може да се влезе и со негативен антигенски рапид (брз) тест, а се зголемува и возраста од шест на 12 години за задолжителниот тест.

Овие две промени се новите правила за влез во Грција, кои од утре, во 6 часот наутро стапуваат во сила, а меѓу другото важат и за државјаните на Македонија, јави дописничката на МИА од Атина.

Согласно министерската одлука, Северна Македонија и понатаму е на листата држави за кои важи исклучокот од забраната за влез во Грција на државјани на трети земји.

Па така, како што пренесува МИА, за патување кај јужниот сосед задолжителен е документ поврзан со ковид-19, односно или сертификат за вакцинација, 14 дена по примената втора доза, или негативен резултат од ПЦР тест направен 72 часа пред патувањето или негативен резултат од рапид (брз) тест до 48 часа пред пристгнувањето во Грција или потврда за прележан коронавирус, како и пополнет PLF формуларот.

Овие обврски важат за лица со наполнети 12 години.

Промените вчера ги најави заменик -министерот за цивилна заштита на Грција Никос Хардаљас, кој рече дека земјите ќе бидат поделени во зелена, портокалова и црвена категорија.

To Top