Со одлука на Регулаторната комисија за енергетика, од денес на полноќ, на сила стапуваат новите малопродажни цени на горивата. Бензините се зголемуваат за 2,5 до три денари, а на дизелот за 1,5 денар.
За три денари од ноќеска на полноќ ќе биде повисока цената на Еуросупер 95 и ќе се продава по 71,5 денари за литар, додека цената на Еуросупер 98 се зголемува за 2,5 денари и ќе се продава по 73 денари за литар.
Малопродажната цена на Еуродизелот се зголемува за 1,5 денари и ќе изнесува 62,5 денари, додека малопродажната цена на Екстра лесното масло за домаќинство ќе изнесува 51 денар.
Се зголемува малопродажната цена и на мазутот и ќе изнесува 34,45 денари за килограм.
Просечната цена на суровата нафта на светскиот пазар во изминатиот 14-то дневен период изнесуваше70,422 долари за барел, додека курсот на денарот во однос на доларот изнесуваше 54,67 денари.
