Шанса да станеш YouTuber! Приклучи се! ↓↓↓
Италијанските медиуми јавуваат дека Гонзало Игуаин ќе игра од првата минута во вечерашното големо дерби помеѓу Наполи и Јувентус.
Аргентинецот беше опериран пред два дена поради скршеница на шаката, но е спремен за игра, а поради фактот што Манџукиќ е надвор поради повреда, тренерот Алегри ќе стартува со Игуаин од првата минута.
Друштво во нападот на Аргентинецот ќе му прават Пауло Дибала и Даглас Коста. „Старата дама“ ќе игра во формација 4-3-2-1, па Алегри ќе излезе со следниот тим:
Буфон – Де Шиљо, Бенатиа, Киелини, Асамоа – Матуиди, Пјаниќ, Кедира – Даглас Коста, Дибала – Игуаин.
Игуаин сигурно го очекува пекол вечерва на „Сан Паоло“ бидејќи не е тајна дека тој е најомразениот фудбалер во Неапол, откако пред две години премина во редовите на најголемиот ривал.
